LE ME BRUSA DENT
Le me brusa dent
e primevera sctematin
a sctragera i fior cresen
beleza pai occ
e pal cor un tremor
dolz, el par amor.
Fa nagot sel piov
l’è in l’aria, se sent
un piasee men regal
fadiga legera sui scpal
duman l’è immò lauraa
ma l’amor el fa cantaa.
Sentil l’e mia me dil
in verità gh’è mia parol
scpeci duu bei occ
un nagutin d’or su l’usc
el scpeci tut i di
ul mè amor te see ti.
E poo se vori immò ...
g’ho pien man, cor e co
un poo patii e un poo cuntent
fiuris primevera e sentiment
te scpeci immò duman
amor ... sum chi cul cor in man.
|
|
UN BASIN
Un basin el nas men fior
l’è dolz mel mer
l’è vuncc mel buter
l’è cald nel lacc mungiù
chel dai el gh’è pu
e chel che l’è adre a nas
l’è un fior sarà
par catal e par fal fiurii
l’amor ghii de sentii.
Un basin l’è ne canzun
de frinquel, usignoo o pulun
d’armoniga, viulin o tambor
ul basin l’è musica dul cor
un basin in parol tasù
puesì mai scriù
vos d’angiulin, crià de ciapin
tut senza pifer ne sctrument
l’è me n’urchesctra de sntiment.
Un basin el maruda fo sctagiun
fioca o soo l’è sempur bun
l’è un veniscpur, brugn, sceresa
giovin o vecc el discegiia.
Un basin el g’ha mia età
l’è un premi, un dun, un gudiment
l’è, saa e pever pai sentiment
un basin el tegn viscur ul cor
senza basit el sufega l’amor. |
