O
PRESEBBIO D’O TREMMILA
’A Maronna annanze cu panzone,
don Peppino, puggiato ’o bastone,
mmiezzo a connola ’e cristallo e oro,
ca tecnologia tutte ccose pareno overo.
Tutte quante parlane, se movono,
tutte de uossa e carna pareno,
e Maggi vanno ca teletrasportazzione,
pastore e pecure cu ll’antigravitazzione,
o ciuccio cu voje ’o impianto e scarfiamento,
l’angiule a cummannà e stelle p’allumma-namiento.
Ma mò tutte ferme songo p’attesa,
nisciuno sciata, Maria s’è stesa.
Chesto a tecnologia nun po’ cagnà,
a nasceta e na creatura e tremmila anni fa.
Gennaro Chirico
|
|
A
VICCHIARELLA
So cagnati e tiempe, l’ausanze
cu nu sacco areto, uno annanze,
vaco sula ncoppa na scupa e saggina,
na nuttata sana nfino a matina.
Purtà riali cu e rine addulurate.
Pruvate vuie ncoppa nu manico sta assettate?
E nun me ricite niente ’e chillato,
commeto, ncoppa a slitta spaparanzato,
dint ogne casa tene a vevere e magnà,
ogne anno sta sempe cchiù ngrassà.
Ie, o cuntrario, songo sicca, brutta, stuorta,
ma quanta aspettano nnanzi a porta
e riali ca chillato nun po’ purtà,
pecché e denari nun ponno bastà.
E tante vote na cazetta chiena e docetti,
purta cchiù assaie surrise e affetti.
Gennaro Chirico
|
